Уст-Каменогорск, 9 октябри соли 2025 АИ “Караван Инфо”. Дар вилояти Қазоқистони Шарқӣ (ВҚШ) озмоишгоҳи муосири бисёрсоҳавии байторӣ кушода шуд. Лоиҳа дар доираи созишномаи байниҳукуматӣ байни Ҷумҳурии Қазоқистон ва Ҷумҳурии Халқии Хитой (ҶХХ) амалӣ намуда шуд ва ба баланд бардоштани амнияти озуқаворӣ ва васеъ намудани иқтидори содиротии Қазоқистон равона намуда шудааст.
Дар маросими ифтитоҳи он Вазири кишоварзии ҶҚ Айдарбек Сапаров, ҳокими ВҚШ Нуримбет Сактаганов ва Сафири ҶХХ дар ҶҚ Хан Чунлин иштирок намуданд.
Вазир Сапаров қайд намуд, ки ин “натиҷаи шарикии стратегии Қазоқистон ва Чин аст, ки ба рушди илм ва технология равона шудааст”.
Ҳукумати Чин ба ҳокимияти ВҚШ 99 адад таҷҳизоти муосири лабораторӣ ва мебелро ба маблағи 840 миллион тенге супорид. Озмоишгоҳ аз рӯи стандартҳои чинӣ ва байналмилалии ISO 17025 аккредитатсия шудааст.
Маркази нав дар таъмини сифат ва бехатарии маҳсулоти кишоварзӣ нақши калидӣ хоҳад дошт. Мутобиқат ба стандартҳои байналмилалӣ монеаҳои техникиро бартараф мекунад ва барои васеъ намудани содироти маҳсулоти кишоварзии қазоқистон ба бозори Чин ва дигар кишварҳо шароит фароҳам меорад.
Иншоот дар заминаи филиали Ҷумҳуриявии озмоишгоҳи ветеринарӣ (ҶОВ) ҷойгир аст. Мутахассисони чин таъмири асосӣ гузарониданд, шабакаҳоро навсозӣ намуданд, таҷҳизотро насб карданд ва кормандони қазоқистонро омӯзониданд.
Сурат: ВК ҶҚ