Брюссел, 14 ноябри соли 2025 АИ «Караван Инфо». Намояндаи махсуси Президенти Қазоқистон дар Афғонистон Юдин Тукумов барои иштирок дар вохӯрии ҳафтуми намояндагони махсуси Иттиҳоди аврупо ва Кишварҳои Осиёи Марказӣ ба Брюссел сафари корӣ анҷом дод. Дар ҷаласа ҳайатҳои Қазоқистон, Қирғизистон, Тоҷикистон, Туркманистон, Узбекистон, инчунин намояндагони махсуси ИА иштирок намуданд.

Иштирокчиён вазъи кунунии Афғонистонро баррасӣ намуда, аҳамияти стратегии идомаи дастгирии башардӯстона ва фаъолсозии талошҳои минтақавиро барои таъмини суботи дарозмуддат таъкид намуданд. Дар натиҷаи мулоқот ҷонибҳо зарурати ба даст овардани сулҳи пойдор ва рушди устувор дар Афғонистонро зикр намуда, омодагии худро барои таҳкими минбаъдаи ҳамкориҳо миёни Осиёи Марказӣ ва Иттиҳоди Аврупо ба манфиати дастгирии мардуми афғон тасдиқ намуданд.

Дар доираи сафари корӣ Еркин Тукумов инчунин дар мизи мудаввари “Афғонистон ва бӯҳрони иқлим”, ки ба таъсири тағйирёбии иқлим ва имкониятҳои ҳамкории минтақавӣ дар соҳаи мутобиқсозӣ бахшида шудааст, иштирок намуд. Ғайр аз ин, намояндаи махсуси қазоқистон бо намояндагони ИА дар бораи Афғонистон ва Осиёи Марказӣ, Миссияи СММ, Фонди Оғохон ва марказҳои пешрафтаи таҳлилӣ гуфтушунидҳои алоҳида анҷом дод.

Аксҳо: ВКХ ҶҚ