Остона, 30 январи соли 2026 АИ «Караван инфо». Қазоқистон ва Лаҳистон густариши ҳамкориҳои дуҷонибаро баррасӣ намуданд. Вазири корҳои хориҷӣ Ермек Кошербаев бо муовини Вазири корҳои хориҷии Лаҳистон Войсех Зайончковский мулоқот намуд.

Вазир қайд намуд, ки Лаҳистон яке аз шарикони калидии Қазоқистон дар Иттиҳоди Аврупо мебошад. Вай таъкид намуд, ки муносибатҳои дипломатӣ байни кишварҳо 34 солро ташкил медиҳанд.

Войсех Зайончковский ҷонибдории Варшаваро ба таҳкими минбаъдаи ҳамкорӣ бо Остона тасдиқ намуд. Вай ба аҳамияти нигоҳ доштани сатҳи баланди муносибатҳои дуҷониба диққати махсус дод.

Дипломатҳо оид ба масъалаҳои ҳамкории тиҷоратию иқтисодӣ ва сармоягузорӣ мубодилаи афкор намуданд. Онҳо инчунин ҷадвали чорабиниҳои дуҷонибаро барои соли 2026 муҳокима намуданд.

Дар натиҷаи мулоқот ҷонибҳо манфиатдории худро ба фаъолсозии ҳамкории ҳамаҷониба тасдиқ намуданд.

Аксҳо: ВКХ ҶҚ