Остона, 20 ноябри соли 2025 АИ Караван Инфо. Китобхонаи миллии Ҷумҳурии Қазоқистон ва Институти дастхатҳои Ҷумҳурии Туркия дар бораи рушди шарикии фарҳангӣ ва илмӣ гуфтушунидҳо гузаронида, ба лоиҳаҳои муштарак оид ба ҳифзи мероси таърихӣ тамаркуз намуданд.
Мавзӯи асосии муҳокима гузаронидани корҳои консерватсионӣ ва барқарорсозӣ бо яке аз осори беназири фонди китобхонаи Миллӣ дастнависи Қуръони асри XII буд, ки бо хатти куфӣ навишта шудааст.
Ин осори қадимӣ, ки дар коғази пергаментӣ бо сиёҳ, сурх ва тиллоӣ навишта шудааст, ҳаҷми 770 саҳифа ва вазни 5 кг 400 г дорад. Ҳар як саҳифа бо медалёнҳои тиллоӣ оро дода шудааст.
Ҷонибҳо инчунин, лоиҳаҳои умумиро оид ба ҳифзи дастхатҳои нодир, барқарор намудани ҳолати ҷисмонии онҳо ва табодули таҷрибаи барқарорсозон дар ин соҳа муҳокима намуданд. Дар натиҷаи мулоқот ҳарду ҷониб ба татбиқи лоиҳаҳои муштарак изҳори манфиатдорӣ намуданд ва ба мувофиқа расиданд, ки ҳамкориро дар соҳаи ҳифзи мероси умумии таърихӣ тақвият диҳанд.
Аксҳо: Вазорати Фарҳанг ва иттилооти ҶҚ