Душанбе, 04 октябр, – АИ «Корвон Иттилоот». 2 октябр дар Ашқобод мулоқоти Сафири фавқулода ва Мухтори Ҷумҳурии Тоҷикистон дар Туркманистон Вафо Ниятбекзода бо Роҳбари Китобхонаи давлатии Маркази фарҳангии Туркманистон Лачин Нурмухаммедова баргузор гардид.

Дар рафти мулоқот ҷонибҳо вазъи кунунӣ ва дурнамоҳои рушди минбаъдаи муносибатҳои фарҳангӣ ва гуманитарии Тоҷикистону Туркманистонро баррасӣ карданд. Таваҷҷуҳи махсус ба соҳаи китобдорӣ, фаъолиятҳои нашрӣ ва чопи китобҳо дода шуд. Иштирокчиён роҳҳои фаъолсозии мубодилаи тарафайнро дар ин самтҳо муҳокима карданд.

Аз ҷониби Сафорати Тоҷикистон ба Китобхонаи давлатии Туркманистон як қатор китобҳо дар бораи Тоҷикистон ва нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, дар таҳкими давлатдории муосири тоҷикон супурда шуд.

Мулоқот аҳамияти ҳамкории фарҳангӣ ва гуманитариро ҳамчун заминаи тақвияти дӯстӣ ва ҳамдигарфаҳмии байни халқҳои ду кишвар таъкид намуд.

ФОТО: Сафорати Тоҷикистон дар Туркманистон