МОСКВА, 30 сентябри соли 2025 АИ «Караван Инфо». Дар Бангладеш моҳигири маҳаллӣ Абдул Монаф пас аз моҳигирии муваффақона дар Халиҷи Бенгал қаҳрамони рӯз шуд.

Дар рӯзҳои наздик дар баҳр ба ӯ муяссар шуд, ки групери сиёҳи 18 килограммро дастгир кунад. Ин моҳӣ дар байни мардум аз сабаби андоза ва арзиши таъсирбахш “моҳи – падар” номида мешавад.

Монаф моҳиро ба бозор бурд, ки дар он ҷо ин бозёфти нодир боиси сарусадо шуд. Дар натиҷа, ӯ моҳиро ба 95 ҳазор так фурӯхт, ки ба тақрибан 65 ҳазор рубл баробар аст. Барои як моҳигири оддӣ, ин маблағи бузургест, ки дар як шабонарӯз вазъи молии ӯро тағйир дод.

Ихтиолог Делвар Ҳусейн қайд намуд, ки групери сиёҳ на танҳо барои гӯшти болаззат қадр намуда мешаванд. Онҳо инчунин дар тиб истифода мешаванд, ки сайдро махсусан серталаб мекунад.

Ҳикояи Монаф зуд дар ВАО-и маҳаллӣ паҳн шуд ва дар соҳил аллакай гуфта мешавад, ки бахт метавонад ба касе табассум кунад, ҳатто дар рӯзи муқаррарӣ.

Аксҳо: Getty Images