МОСКВА, 29 сентябри соли 2025 АИ «Караван Инфо». Дар Гурҷистон кӯшиши воридоти яке аз бузургтарин партияҳои маводи мухаддир дар вақтҳои охир қатъ намуда шуд. Мақомоти ҳифзи ҳуқуқ дар бораи гирифтани 200 килограмм героин хабар доданд, ки арзиши бозории он беш аз 50 миллион долларро ташкил медиҳад.

Тибқи маълумоти тафтишот, мошини боркаши ғайриқонунӣ аз Эрон тавассути нуқтаи сарҳадии озарбойҷон “Пули Сурх” омадааст.

Маводи мухаддир дар ҳашт халта зери ниқоби бор бо хӯроки моҳӣ пинҳон намуда шуда буд. Нақлиётро шаҳрванди соли таваллудаш 1989-и Эрон идора менамуд, ки дар ҳамон ҷо боздошт шуда буд.

ВКД қайд намуд, ки тафтишот идома дорад. Нисбати боздоштшуда парвандаҳо бо моддаҳои кодекси ҷиноятии Гурҷистон оғоз намуда шудаанд, ки ҷазоро аз 20 соли зиндон то ҳабси абад пешбинӣ мекунанд.

Ба гуфтаи мақомоти қудратии Гурҷистон, ин боздошт як қисми мубориза бо қочоқи байналмилалии маводи мухаддир буд, ки дар он Гурҷистон ҳамчун қаламрави транзитӣ истифода мешавад. Мақомот таъкид намуданд, ки назорати марзҳоро барои пешгирӣ намудани чунин кӯшишҳо тақвият медиҳанд.

Аксҳо: Sputnik