МОСКВА, 03 сентябри соли 2025 АИ «Караван Инфо». Дар Русия бозори пурраи асъори чинӣ юан ташкил намуда шудааст, гуфт Раиси РСХБ Борис Листов дар кулуарҳои форуми иқтисодии Шарқӣ.

Ба гуфтаи ӯ, ҳаҷми муомилоти тиҷорати хориҷӣ дар юан аллакай аз 40% тамоми амалиёти фаромарзии кишвар гузаштааст.

“Мо интизори рушди минбаъдаи инфрасохтор барои кор бо юан, инчунин афзоиши эътимод ба ин асъор ҳамчун воситаи ҳисоббаробаркунӣ ва сармоягузорӣ дар дохили кишвар ҳастем. Юан / рубл бешубҳа ҷуфти асосии асъор дар бозорҳои биржавӣ ва ғайрибиржавӣ гардид”, — қайд намуд Листов.

Русия истифодаи юани чинӣ дар ҳисобҳои байналмилалиро фаъолона рушд медиҳад.

Тибқи маълумоти Бонки Марказии ФР, дар моҳи январи соли 2025 ҳиссаи юан дар ҳисобҳо барои содироти русия 40,8% ва барои воридот 38,5% — ро ташкил дод. Дар ифодаи арзиш, ин мутаносибан ба 13,2 миллиард доллар ва 9,1 миллиард доллар баробар аст.

Илова бар ин, Русия ва Чин робитаҳои тиҷоратиро тақвият дода, ба ҳисоббаробаркунии асъори миллӣ фаъолона мегузаранд. Дар айни замон ҳиссаи рубл ва юан дар ҳисобҳо байни кишварҳо аз 95% зиёд аст.

Дар солҳои охир Русия истифодаи юанро дар тиҷорати байналмилалӣ ва ҳисобҳои молиявӣ фаъолона васеъ намуда, кӯшиш мекунад, ки вобастагии долларро коҳиш диҳад.

Ҳаҷми афзояндаи амалиётҳои юанӣ робитаҳои дуҷонибаро бо Чин мустаҳкам мекунад, сармоягузориро ҳавасманд мекунад ва барои фаъолияти устувори бозори миллии молиявӣ шароит фароҳам меорад.

Аксҳо аз манбаъҳои кушода