Душанбе, 05 феврал, – АИ «Корвон Иттилоот». Кумитаи Байналмилалии Салиби Сурх (МККК) бо Шӯъбаи ҳамкории Швейтсария аввалин мизи мудавварро дар Тоҷикистон бо иштироки сатҳи баланди намояндагони мақомоти давлатӣ, созмонҳои байналмилалӣ ва ҷомеаи шаҳрвандӣ дар мавзӯи ҳуқуқи байналмилалии гуманитарӣ (МГП) ва ҳуқуқи инсон ташкил карданд.

Дар чорабинӣ 45 нафар аз мақомоти давлатӣ, миссияҳои дипломатӣ, созмонҳои байналмилалӣ, созмонҳои ғайриҳукуматӣ, инчунин ҷомеаи ҳуқуқӣ ва академӣ иштирок карданд.

Дар байни иштирокчиён намояндагони Маъмурияти Президенти Ҷумҳурии Тоҷикистон, Парламент, Вазорати корҳои хориҷӣ, Вазорати мудофиа ва Вазорати корҳои дохилӣ, инчунин намояндагони УВКБ СММ ва САҲА ва сафоратҳои Бритониё, ИМА ва Фаронса буданд.

Дар соҳаи ҳуқуқи инсон Шӯъбаи ҳамкории Швейтсария таваҷҷуҳро ба омодагӣ ба Баррасиҳои универсалии даврӣ (UPR) барои Тоҷикистон, ки дар ноябри соли 2026 дар Женева баргузор мешавад, равона кард. Дар соҳаи ҳуқуқи байналмилалии гуманитарӣ Кумитаи Байналмилалии Салиби Сурх бо мутахассиси Академияи миллии илмҳо ҷиҳатҳои ҳуқуқии таъсиси Бюрои миллии иттилоотӣ, Идораи ҷаҳонии мустаҳкам намудани риояи ва масъалаҳои татбиқи меъёрҳои ҳуқуқи байналмилалии гуманитарӣ дар қонунгузории ҷиноятиро муаррифӣ карданд.

Иштирокчиён ба нақши Кумитаи Байналмилалии Салиби Сурх дар дохил намудани вайронкуниҳои ҷиддии Конвенсияҳои Женева ба қонунгузории ҷиноятии миллӣ ва паёмадҳои истифодаи зеҳни сунъӣ дар низоъҳои мусаллаҳона таваҷҷуҳ карданд. Дар поёни мизи мудаввар таъкид гардид, ки риояи ҳуқуқи байналмилалии гуманитарӣ ва ҳуқуқи инсон вазифаи ҳуқуқӣ буда, ҳам дар замони сулҳ ва ҳам дар замони ҷанг амал мекунад.

Мутахассисон таъкид мекунанд, ки баргузории чунин чорабиниҳо ба ташаккули фарҳанги ҳуқуқшиносӣ, баланд бардоштани сатҳи омодагии мақомоти давлатӣ ба стандартҳои байналмилалӣ ва тақвияти ҳамкории байналмилалии Тоҷикистон дар соҳаи ҳуқуқи инсон ва ҳуқуқи гуманитарӣ мусоидат мекунад.

АКС: Кумитаи Байналмилалии Салиби Сурх (МККК) дар Осиёи Марказӣ