Остона, 14 ноябри соли 2025 АИ «Караван Инфо». Вазорати савдо ва ҳамгироии Қазоқистон лоиҳаи фармонро, ки ба баланд бардоштани сатҳи амнияти зиддитеррористӣ дар марказҳои савдо ва фароғатӣ (МСФ) равона шудааст, ба муҳокимаи ҷамъиятӣ баровард.

Лоиҳаи фармон пешниҳод мекунад, ки ба дастурҳои амалкунанда оид ба ташкили ҳифзи зиддитеррористии иншоотҳои савдои дохилӣ тағйирот ворид намуда шавад.

Тибқи ислоҳот, соҳибон ва роҳбарони МСФ-ҳои калон, ки масоҳати онҳо зиёда аз 10 ҳазор метри мураббаъ аст, вазифадоранд:

• Бастани шартномаҳо бо ташкилотҳои ҳифзи иҷозатномадор, ки ҳуқуқи таъмини амниятро дар чунин иншоот доранд.

• Мавҷудияти ҳатмии воситаҳои санҷиши меҳмонон (детекторҳои металлӣ ва статсионарӣ) – ро ҷорӣ намояд.

Ин чораҳо, инчунин талабот ба ҳифзи муҳандисӣ ва техникии биноҳо, системаҳои гузариш ва назорати видеоӣ ҳангоми муқаррар намудани сатҳи хатари террористӣ татбиқ намуда мешаванд.

Вазорати Савдо қайд намуд, ки қабули ин тағйирот имкон медиҳад, ки сатҳи ҳифзи ҷойҳои ҷамъшавии оммавии одамон баланд бардошта шавад, хатарҳои эҳтимолӣ кам намуда шаванд ва системаи амнияти зиддитеррористӣ дар соҳаи савдои дохилӣ тақвият дода шавад.Аксҳо: аз манбаъҳои кушода