Ҳафтаи оянда дар Душанбе силсила  бозиҳои дӯстона бо иштироки дастаҳои мунтахаби Тоҷикистон, Испания ва Нидерландҳо оид ба футзал, ки дар Ҷоми ҷаҳон-2024 иштирок мекунанд, баргузор мешаванд. Дар ин хусус Федератсияи футболи Тоҷикистон хабар медиҳад.

5 сентябр тимҳои миллии Тоҷикистон ва Испания ба майдони маҷмааи варзишии «Кохи Олимп»-и пойтахт мебароянд.

Сипас, рӯзи 7-уми сентябр вохӯрӣ миёни дастаҳои Испания ва Нидерландҳо доир мегардад. Силсилаи бозиҳои дӯстона бо рақобати дастаҳои мунтахаби Тоҷикистону Нидерландҳо 8 сентябр ба поён мерасад.

Ҳамаи бозиҳо дар маҷмааи варзишии «Кохи Олимп»-и Душанбе доир мешаванд. Нархи чипта 100 сомонӣ муқаррар шудааст.

АКС: Федератсияи футболи Тоҷикистон