МОСКВА, 24 сентябри соли 2025 АИ «Караван Инфо».  Дар Шарқи Дур кормандони гумрук як партияи бузурги ҳавопаймоҳои бесарнишинро, ки аз Чин меомаданд, боздошт намуданд, хабар медиҳад хадамоти матбуоти ФТС Русия.

Дар ду фура, ки дар нуқтаи гузаргоҳи Пограничный (Приморе) тафтиш намуда шуданд, ду БПЛА-и навъи ҳавопаймо, қариб 2,7 ҳазор квадрокоптер ва зиёда аз 200 ҷузъҳо пайдо намуда шуданд.

Тибқи иттилои идора, як қисми дронҳо бо камераҳои назоратӣ, термовизорҳо ва дастгоҳҳои партофтани борҳо муҷаҳҳаз намуда шудаанд. Ин бор ҳамчун “бозичаҳо ва молҳои истеъмолии халқ” эълон намуда шуда, барои ширкати русӣ пешбинӣ шуда буд.

“Дронҳои ғайриқонунӣ воридшуда ба ин миқдор хатари эҳтимолӣ ба амнияти ҳает ва саломатии шаҳрвандон доранд”, — таъкид намуданд ФТС. Ҳоло дастгоҳҳо гирифта шуда, барои ташхис фиристода шудаанд.

Нисбати борфиристонандагон парвандаи маъмурӣ бо қисми 1 моддаи 16.2 Кодекси Маъмурии ФР оғоз намуда шудааст, ки таҳрими он ҷарима то ду маротиба арзиши молҳо ва мусодираи имконпазирро пешбинӣ мекунад.

Дар сурати қарори суд дар бораи мусодира, дронҳо ва ҷузъҳои он ба Вазорати Мудофиаи Русия барои истифода бо мақсад ва вазифаҳои худ дода мешаванд.

Дарёфти партияҳои калони бесарнишин дар гумрук тадбирҳои мубрами назорати гардиши техникаро бо истифодаи эҳтимолии низомӣ инъикос мекунад.

Воридоти дронҳои ба бозичаҳо пинҳоншуда метавонад ба амнияти миллӣ таҳдид кунад ва санҷиши мақсад ва хусусиятҳои техникии онҳоро талаб мекунад.

Аксҳо: ФТС Русия