МОСКВА, 25 сентябри соли 2025 АИ «Караван Инфо». Сафири махсуси президенти ИМА Стив Уиткофф изҳор дошт, ки Вашингтон муколамаро бо Теҳрон дар пасманзари муҳокимаҳо дар бораи эҳтимоли барқарор намудани таҳримҳо идома медиҳад.

Ба гуфтаи ӯ, ” мо бо ҳама тавре сӯҳбат мекунем, ки бояд кунем. Ин кори мо аст, ки мушкилотро бо роҳи дипломатӣ ҳал кунем.

Дар саммити “Конкордия” дар Ню-Йорк, ки ҳамзамон бо Ассамблеяи Генералии СММ баргузор мешавад, Уиткофф таъкид намуд, ки ИМА кӯшиш мекунад, ки “ҳалли доимӣ” пайдо кунад, Аммо дар сурати ноком шудани музокирот таҳримҳо дубора ҷорӣ намуда мешаванд. Вай онҳоро “доруи дуруст барои он чӣ рӯй дода истодааст”номид.

Дар ҳамин ҳол, дипломат қайд намуд, ки Вашингтон ният надорад ба мардуми Эрон зарар расонад, аммо вазъ барои Теҳрон пас аз он мураккаб шуд, ки Бритониё, Фаронса ва Олмон 28 август дар доираи созишномаи ҳастаии соли 2015 механизми барқарорсозии маҳдудиятҳоро оғоз намуданд.

Ҳамин тариқ, масъалаи Эрон дубора ба яке аз мавзӯъҳои калидии рӯзномаи ҷаҳонӣ табдил меёбад, ки дар он дипломатия бо таҳдиди чораҳои шадид ҳамсоя аст.

Нақшаи муштараки ҳамаҷонибаи амалҳо (НМҲА) соли 2015 аз ҷониби Эрон ва шаш миёнарави байналмилалӣ (ИМА, Бритониё, Фаронса, Олмон, Русия ва Чин) имзо намуда шуд. Ин санад таҳияҳои ҳастаии Теҳронро дар ивази бекор намудани таҳримҳо маҳдуд менамуд.

Аммо, дар соли 2018, ИМА бо ташаббуси Доналд Трамп аз созишнома хориҷ шуд, ки боиси ташаннуҷи нав шуд. Аз он вақт инҷониб, гуфтушунидҳо дар бораи ояндаи созишнома мунтазам кашида мешаванд ва низоми таҳримҳо воситаи асосии фишор ба Эрон боқӣ мемонад.

Аксҳо: AP Photo