МОСКВА, 18 октябри соли 2025 АИ «Караван инфо». Котиби шӯрои олии амнияти миллии Эрон Алӣ Лариҷонӣ ба Русия сафари корӣ анҷом дод, ки дар он ҷо ба Президент Владимир Путин паёми Раҳбари олии Эрон Алӣ Хоманаӣ расонид ва ояндаи муносибатҳои дуҷонибаро муҳокима намуд.

Али Лариҷонӣ ба таври ғайринақшавӣ ба Маскав омад, ки дар он ҷо бо Путин мулоқот намуд ва гуфт, ки паёми шахсии оятулло Хоманаиро интиқол медиҳад.

Ҷонибҳо ҳамкориро дар сатҳи иқтисодӣ, минтақавӣ ва байналмилалӣ, инчунин дурнамои рушди муносибатҳои байни Эрон ва Русия баррасӣ намуданд.

Ба гуфтаи Лариҷонӣ, мундариҷаи паём ошкор намуда намешавад, ки ин таҷрибаи стандартӣ дар чунин тамосҳои дипломатӣ мебошад.

Ин вохӯрӣ аввалин тамоси Лариҷонӣ ва Путин набуд – онҳо аллакай моҳи июл мулоқот намуда, вазъи Шарқи Наздик ва барномаи ҳастаии эронро баррасӣ менамуданд.

Ёдовар мешавем, ки моҳи январи соли 2025 Русия ва Эрон дар бораи шарикии ҳамаҷонибаи стратегӣ, ки барои 20 сол пешбинӣ шудааст, шартнома ба имзо расониданд, ки ҳамкориҳоро дар мудофиа, энергетика ва технология фаро мегирад.

Дар моҳҳои охир Эрон аз зарбаҳои ИМА ба иншооти ҳастаӣ ва алангагирӣ дар минтақа зери фишор қарор гирифт.

Дар моҳи сентябр, Теҳрон ҳамкориро бо МАГАТЭ дар посух ба талошҳои кишварҳои ғарбӣ барои барқарор намудани таҳримҳо қатъ намуд.

Москва аллакай барои ҳалли масъалаи ҳастаии эрон хатти фаъоли дипломатӣ дорад. Путин аҳамияти муколамаи сулҳро таъкид намуд ва қайд намуд, ки Русия бо Теҳрон робитаи зич дорад.

Аксҳо: alilarijani_ir / Telegram