Остона, 11 сентябри соли 2025 АИ «Караван инфо». Президенти Қазоқистон Касим-Жомарт Токаев бо президенти Ҷумҳурии Демократии Конго Феликс Чисекеди, ки бо сафари аввалин ба Остона аст, гуфтушунид намуд. Ба гуфтаи Хадамоти Матбуоти Акорда, ҷонибҳо як қатор ҳуҷҷатҳои дуҷониба, аз ҷумла изҳороти Муштаракро имзо намудаанд.

Токаев ин сафарро як рӯйдоди таърихӣ номид ва таъкид намуд, ки ҶДК шарики муҳими Қазоқистон дар Африқо мебошад. Ба ҳамкории тиҷоратию иқтисодӣ диққати махсус дода шуд кишварҳо дорои захираҳои бойи табиӣ ва иқтидори назарраси иқтисодӣ мебошанд.

ҶДК дар ҷаҳон дар истихроҷи кобалт (76% истихроҷи ҷаҳонӣ), мис (14%), сурб (8,3%), тантал (42%) ва колтан (40%) мавқеи пешрафтаро ишғол мекунад.

Дар натиҷаи гуфтушунидҳо ҳуҷҷатҳои байнисоҳавӣ оид ба машваратҳои дипломатӣ, инчунин ҳамкорӣ дар соҳаи кори кӯҳӣ ва геология ба имзо расиданд. Ҷонибҳо ба мувофиқа расиданд, ки машваратҳои мунтазами байни идораҳои сиёсати хориҷиро барои нигоҳ доштани динамикаи устувори шарикӣ ба роҳ монанд.

Аксҳо: Акорда