ОСТОНА, 26 декабр 2025 – АИ “Караван Инфо”. Беш аз 95% сокинони Қазоқистон муносибатҳои байниэтникии кишварро устувор ва обод арзёбӣ мекунанд. Чунин маълумот аз натиҷаи пурсиши иҷтимоӣ гирифта шудааст, ки ин аз эътимоди шаҳрвандон ба сиёсати давлатӣ, ки ба таҳкими ризоияти ҷамъиятӣ равона шудааст, шаҳодат медиҳад.

Имрӯз дар Қазоқистон дар сулҳ ва ризоият намояндагони зиёда аз 100 этнос зиндагӣ мекунанд. Онҳо бо мақсади умумӣ сохтани Қазоқистони Одилона, ки ба имкониятҳои баробар ва рушди устувор асос ёфтааст, муттаҳид намуда мешаванд.

Воқеаи муҳими сол ҷашни 30-солагии Ассамблеяи халқи Қазоқистон буд. Дар доираи ҷашни солгард дар саросари кишвар зиёда аз 10 ҳазор чорабиниҳои муҳимми иҷтимоӣ ташкил намуда шуданд, ки дар онҳо зиёда аз 3 миллион нафар иштирок намуданд.

Ғайр аз ташаббусҳои ҷамъиятӣ, фаъолияти хайриявӣ низ фаъолона рушд намуд. Метсенатони маркази “Жомарт жан” дар назди Ассамблея ба тақрибан 35 ҳазор шаҳрванд ба маблағи тақрибан 305 миллион танга кӯмак намуданд.

Дар кишвар системаи сохташудаи татбиқи сиёсати ризоияти байниэтникӣ аз сохторҳои марказӣ то ассамблеяҳои минтақавӣ амал мекунад. Тадқиқотҳои сотсиологӣ ва мониторингҳои сайёр ба минтақаҳо мунтазам гузаронида мешаванд, ки ба таҳлили вазъ ва таҳияи тавсияҳои амалӣ барои таҳкими минбаъдаи суботи ҷамъиятӣ имкон медиҳанд.

Аксҳо: АНК