Остона, 05 феврали соли 2026-АИ «Караван инфо». Президент Қасим-Жомарт Токаев ба иштирокчиёни маросими супоридани Ҷоизаи ба номи шайх Заид “Барои бародарии инсонӣ”, ки дар Абу-Даби баргузор шуд, муроҷиати видеоӣ фиристод. Сарвари давлат Президенти Озарбойҷон Илҳом Алиев ва Сарвазири Арманистон Никола Пашинянро бо додани ҷоиза табрик гуфта, қайд намуд, ки он эътирофи роҳбарияти масъулиятнок ва дурандеши онҳо гардид.

Ба гуфтаи Президент, пешбурди Боку ва Ереван ба созишномаи сулҳ як марҳилаи муҳими таърихӣ аст ва исбот мекунад, ки ҳатто муноқишаҳои тӯлонӣ метавонанд тавассути муколама ва эътимоди тарафайн ҳал намуда шаванд. Вай таъкид намуд, ки оштӣ зуҳури қувват аст, на заъф.

Қасим-Жомарт Токаев инчунин ба нақши Қазоқистон ҳамчун майдони бетарафи гуфтушунидҳо баҳои баланд дода, дар бораи гузаронидани яке аз марҳилаҳои калидии муколама дар Алмаато хотиррасон намуд. Президент ба роҳбарияти АМА изҳори сипос намуд ва аҳамияти Ҷоизаро дар пешбурди ғояҳои сулҳ, таҳаммулпазирӣ ва эҳтироми тарафайн, ки дар мероси шайх Заид гузошта шудааст, таъкид намуд.

Аксҳо: Акорда