АФҒОНИСТОН, 6 январи соли 2026 – Агентии иттилоотии Karavan Info. Вазорати саноат ва тиҷорати Толибон эълон кард, ки ҳаҷми тиҷорати Афғонистон дар соли 2025 13,93 миллиард доллар (918 миллиард афғонӣ)-ро ташкил додааст.

Абдуссалом Ҷавод, сухангӯи вазорат, гуфт, ки содироти Афғонистон дар соли ҷорӣ 1,8 миллиард доллар (119 миллиард афғонӣ) ва воридот 12,12 миллиард доллар (799 миллиард афғонӣ)-ро ташкил додааст.

Ба гуфтаи ӯ, дар соли 2025 ҳаҷми содирот ва воридоти Афғонистон нисбат ба соли 2024 афзоиш ёфтааст ва ҳеҷ мушкиле наметавонад монеи ин бошад.

Тавре ки Ҷавод қайд кард, соли гузашта ҳаҷми бештари содирот ба Ҳиндустон, Покистон, Ӯзбекистон, Аморати Муттаҳидаи Араб, Қазоқистон, Эрон, Туркия, Чин, Ироқ ва Тоҷикистон равона шудааст.

Дар соли 2025, маҳсулоти асосии содиротии Афғонистон анҷир, мавиз, анор ва тухми онҳо, ангиштсанг, пахта, зардолуи хушк, писта, бодом, заъфарон, зира, себ, ангур, бодинҷон, лӯбиёи мош, нӯшокиҳои энергетикӣ, иловаҳои минералӣ, қолин ва паласҳо ва чормағзҳои санавбарро дар бар мегирифтанд.

Соли гузашта аксари воридоти Афғонистон аз Эрон, Аморати Муттаҳидаи Араб, Покистон, Чин, Туркманистон, Узбакистон, Русия, Қазоқистон, Малайзия ва Ҳиндустон буд.

Молҳои аз ҳама бештар воридшаванда ба Афғонистон қисмҳои эҳтиётӣ ва таҷҳизоти автомобилӣ, сӯзишвории дизелӣ, бензин, орди гандум, таҷҳизот ва дастгоҳҳои барқӣ ва қисмҳои эҳтиётии онҳо, гази табиӣ, матоъҳои катон, равғанҳои растанӣ, сементи сиёҳ, доруворӣ, биринҷ, шакар, маҳсулоти ширӣ ва тухм, сигор, ашёи хом барои корхонаҳои саноатӣ, чархҳо ва қубурҳо ва либосҳои нав мебошанд.

Акс: Агентии иттилоотии Бахтар