МОСКВА, 09 октябри соли 2025 АИ «Караван Инфо». Президенти Сербия Александр Вучич Туркияро шадидан танқид намуд ва Анкараро дар талош барои “Эҳёи империяи Усмонӣ” пас аз хабар дар бораи интиқоли ҳавопаймоҳои бесарнишини skydagger ба Косово айбдор намуд.

Ба гуфтаи раҳбари серб, чунин амалҳои Туркия хилофи Оинномаи СММ ва қатъномаи шӯрои Амният №1244 мебошанд, ки мақоми ҳуқуқии Байналмилалии Косоворо мустаҳкам мекунад.

Вучич таъкид намуд, ки “Анкара ба суботи Балканҳои Ғарбӣ манфиатдор нест” ва илова намуд, ки Сербия “паём гирифтааст ва хулосаҳои дахлдор мебарорад”.

Пештар сарвазири Косово дар бораи иҷрои пеш аз мӯҳлати шартнома барои таҳвили якчанд ҳазор дронҳои туркӣ шарҳ надод. Тибқи иттилои расонаҳои маҳаллӣ, интиқоли техника, ки моҳи январ ба нақша гирифта шуда буд, се моҳ пештар сурат гирифт.

Вазъият танишҳоро дар минтақа афзоиш дод, ки дар он масъалаи ҳузури низомӣ ва мақоми Косово аз замони пошхӯрии Югославия яке аз шадидтарин боқӣ мемонад.

Аксҳо: Sputnik