ОСТОНА, 26 сентябр АИ «Караван Инфо». Дар Туркистон филиали яке аз донишгоҳҳои пешрафтаи Корея Woosong University Kazakhstan кушода шуд. Ин чорабинӣ як қадами муҳим дар рушди шарикии таълимӣ байни Қазоқистон ва Корея буд.

Дар маросим муовини Сарвазири ҶҚ Ермек Кошербаев, вазири илм ва таҳсилоти олӣ Саясат Нурбек, ҳокими вилояти Туркистон Нуралхон Кошеров, Сафири Фавқулодда ва Ваколатдори Корея Чжо Тэ Ик, инчунин намояндагони Фонди маорифи “Woosong” иштирок намуданд.

Ермек Кошербаев аҳамияти таърихии кушодани филиалро қайд намуда, таъкид кард, ки Қазоқистон стратегияи таъсиси шабакаи донишгоҳҳои хориҷиро амалӣ мекунад ва кишварро ба маркази таълимии минтақа табдил медиҳад. Саясат Нурбек илова намуд, ки Вусонг ба маркази навоварӣ ва омӯзиши мутахассисони насли нав табдил хоҳад ёфт.

Имрӯз Қазоқистон бо донишгоҳҳои пешрафтаи Корея фаъолона ҳамкорӣ намуда, филиалҳо, марказҳои тадқиқотӣ ва барномаҳои муштаракро кушод. Донишгоҳи нави Туркистон дар ин соли хониш ба кор шурӯъ намуда, ба донишҷӯён барномаҳои муосири таълимӣ ва имкониятҳои байналмилалиро пешниҳод намуд.

Сурат: Ҳокимияти Вилояти Туркистон