Mart oyi oxirida O‘zbekiston Respublikasi qishloq xo‘jaligi vaziri o‘rinbosari Alisher Shukurov Turkiyaning yirik kompaniyalaridan biri – “Arbel Group” kompaniyasi vakillari bilan uchrashdi.

Qishloq xoʻjaligi vazirligi matbuot xizmati xabariga koʻra, tomonlar Oʻzbekistondan Rossiya, Turkiya va Markaziy Osiyoning boshqa mamlakatlariga dukkakli ekinlarni yetishtirish va eksport qilish boʻyicha qoʻshma loyiha yaratish masalasini muhokama qilishgan.

Ushbu loyihaning amalga oshirilishi O‘zbekistonni dunyodagi eng yirik dukkakli don ekinlar eksportchisiga aylantiradi. Uni amalga oshirish uchun Navoiy viloyati eng maqbul joy sifatida belgilandi. 

O‘z navbatida, A.Shukurov O‘zbekiston Respublikasi Qishloq xo‘jaligi vazirligi mazkur loyihani amalga oshirishda har tomonlama yordam berishga tayyorligini bildirdi.