Oʻzbekiston transport vaziri Ilhom Mahkamov Yevropa Tiklanish va Taraqqiyot Bankining bank faoliyati boʻyicha vitse-prezidenti Matteo Patrone bilan uchrashuv oʻtkazdi. 

Uchrashuvda 2024-2025 yillar uchun hamkorlikdagi istiqbolli loyihalar muhokama qilindi. Xususan, Samarqand, Namangan va Nukus shaharlari uchun elektrobuslar xarid qilish va Samarqandda tramvay transportini rivojlantirish masalalari koʻtarildi.

Matteo Patrone YTTB portfelidagi transport loyihalarining ahamiyatini ta’kidlab, temir yoʻl transporti sohasida hamkorlikni rivojlantirish istagini bildirdi. Shuningdek, tomonlar Toshkent-Samarqand pullik avtomobil yoʻlini qurish loyihasini muhokama qilishdi va ushbu loyihaning texnik-iqtisodiy asoslarini ishlab chiqishni tezlashtirishga kelishib olishdi.

Bogdan Burikin, atayin «Karavan-Info» uchun