Xalq deputatlari Toshkent shahar Kengashining yettinchi chaqiriq birinchi sessiyasi bo‘lib o‘tdi. Majlisda Toshkent shahar hududiy saylov komissiyasi raisi Abdulla Mag‘rupov 27-oktyabrda o‘tkazilgan saylov natijalari haqida axborot berdi.

Sessiyada xalq deputatlari Toshkent shahar Kengashi raisi etib Rustam Qalonov saylandi. Shuningdek, deputatlarning partiyaviy guruhlari ro‘yxatga olindi, Kengash reglamenti va Doimiy komissiyalar to‘g‘risidagi nizom tasdiqlandi.

Bundan tashqari, yig‘ilishda Prezident Toshkent shahar hokimi lavozimiga Shavkat Umurzoqov nomzodini ko‘rsatgani ma’lum qilindi. Kengash qarori bilan Umurzoqov mazkur lavozimga tasdiqlandi.